SAPOL Ni Jarius Bondoc, Pilipino Star Ngayon, Friday, May 23, 2008
GAANO kaya kasandali tayo magbubunyi sa dagdag-sahod mula sa regional wage boards, bago tayo lumuha dahil sa maramihang layoffs?
Itinatanong ko ito dahil sa nakababahalang statistics tungkol sa paggawa. Dalawampung beses nang nagtaas ng minimum wage sa loob ng 22 taon mula 1986. Umaangal ang mga negosyante na isa sa pinaka-mataas na sa
Ayon sa labor department, mula 2003 hanggang 2007 nabawasan ang dami ng manggagawa sa pormal na sektor — mga pabrika at opisina — mula 6.3 milyon hanggang 4.7 milyon. Samantala, lumaki ang impormal na sektor — trabahador sa bahay, bukid, maliliit na tindahan o negosyo — mula 21 milyon hanggang 27 milyon. Ibig sabihin nito, anang mga eksperto, nagbabawas ang malalaking kompanya, opisina at pabrika ng empleyado. Napupunta ito sa mga hindi rehistradong operasyon. Sanhi raw ito ng mataas na minimum wage, na hindi kayang bayaran ng mga negosyante.
Siyam na porsiyento lang ng 44 milyong work force ang may unyon. Naipaglalaban ng mga samahan nila ang kapakanan ng manggagawa. Samantala, maraming kompanya ang lantarang sumusuway sa minimum-wage orders. Kuwento nga sa akin ng isang labor official, may mga empleyado na nakikiusap sa kanila na huwag nang kasuhan ang amo nilang balasubas dahil baka magsara lang daw ang munting kompanya at mawalan pa sila ng pinagkakakitaan. Saklap!
